- Faqe të Krishtera Shqiptare            

Fe dhe Kulte

Lundrimi: Kryefaqja > Apologjia > Fe dhe Kulte

Që në ditët e para, mbas rënjes së komunizmit në Shqipëri, liria e besimit e bëri të mundur për shqiptarët që të besonin dhe të mësonin më shumë në lidhje me fetë e ndryshme. Ishte kjo ndodhi, e cila krijoi mundësinë për besime dhe kulte të tjera të cilat nuk ekzistonin më parë në Shqipëri, që të futeshin dhe të fillonin punën e tyre për të fituar ndjekës te rinj për fenë e tyre. Fatkeqësisht shumë prej këtyre feve bien në kundërshtim me Biblën dhe mësimet e saj. Si p.sh.

• Dëshmitarët e Jehovait
• Mormonët
• Baha'i

Është dëshira dhe qëllimi ynë që në këtë kënd të Apologjisë, të prezantojmë artikuj dhe materiale që kanë të bëjnë, jo vetëm me fetë që kanë hyrë nga jashtë, por edhe me ato që kanë qenë në mes të shqiptarëve prej shekujsh, si p.sh.; Islami, si edhe ato më të rejat si; Mormonizmi, Bahai, Dëshmitarët e Jehovait, etj.

Dëshira dhe qëllimi ynë është që të shpallim të vërtetën ashtu siç ne e kuptojmë, dhe duam ta bëjmë këtë në një mënyrë jo-ofenduese, pra qëllimi ynë nuk është që të ofendojmë ndjekësit e feve të tjera, por që të shpallim të vërtetën ashtu siç na mësohet në Fjalën e Perëndisë - Biblën. Pastaj i përket secilit prej nesh në vetëvete që të studioj dhe mësoj sa më shumë, në mënyrë që të vendosi në bazë të të vërtetës. 

Faleminderit.

Shënim: Kryesisht ne duam që të shkruajmë në lidhje me besimet dhe fetë jo-kristiane që gjenden sot në Shqipëri dhe Kosovë, por nëse ju keni ndonjë fe tjetër jo-kristiane për të cilën ju dëshëroni që të dini më tepër, atëhere ju lutem na nisni një mesazh tek faqja: Na Kontaktoni.